Настаўніцтва — гэта мастацтва, праца не менш тытанічная,

чым праца пісьменніка або кампазітара,

але больш цяжкая і адказная. Настаўнік

звяртаецца да душы чалавечай не праз музыку,

як кампазітар, не з дапамогай фарбаў, як мастак, а напрамую.

Выхоўвае сваімі ведамі і любоўю, сваім стаўленнем да свету.

(Д. Ліхачоў )

Прафесія педагога — адна з найважнейшых у сучасным свеце. Сёння настаўнік павінен быць вельмі крэатыўным, добрым, спагадлівым, уважлівым да дзяцей і кампетэнтным у сваёй прафесіі. З мэтай развіцця творчага патэнцыялу, прафесійнага майстэрства педагагічных работнікаў у Дзяржынскім раёне праходзіць другі этап рэспубліканскага конкурсу прафесійнага майстэрства «Настаўнік года Рэспублікі Беларусь».

У гэтым конкурсе прымаюць  удзел 3 педагогі нашай гімназіі: настаўнік гісторыі Бурцава Святлана Уладзіміраўна, настаўнік беларускай мовы і літаратуры Хацкевіч Аксана Яўгенаўна і настаўнік пачатковых класаў Калпак Іна Сяргееўна. Яны ўжо паўдзельнічалі ў завочных і вочных турах конкурсу: падрыхтавалі праект адкрытага ўрока, прэзентацыю свайго вопыту педагагічнай дзейнасці, прайшлі псіхолага — педагагічнае тэсціраванне. З 16 студзеня педагогі-ўдзельнікі конкурсу даюць адкрытыя ўрокі ў незнаёмым класе.

Усе канкурсанты — кваліфікаваныя настаўнікі, у кожнага свае любімыя метады навучання, розныя формы работы, вопыт і тэхналогіі. Спадзяёмся, што яны годна вытрымаюць усе этапы конкурсу.

 Пры правядзенні адкрытага ўрока ў 8 класе 17 студзеня Бурцава Святлана Уладзіміраўна паказала добрае валоданне вучэбным  матэрыялам, уменне аптымальна і рацыянальна выкарыстоўваць  метады навучання і павышэння зацікаўленасці  навучэнцаў  у вывучэнні гісторыі.

 Хацкевіч Аксана Яўгенаўна прадэманструе сваё майстэрства 20 студзеня , Калпак Інна Сяргееўна – 23 студзеня!

Жадаем нашым педагогам паспяховага ўдзелу ў наступных этапах  конкурсу!

Намеснік дырэктара Г.Я. Мігура

Фотарэпартаж з урока гісторыі: