Якой была мінулая субота? Святочнай, актыўнай, пазітыўнай, карыснай…..

Для самых малодшых навучэнцаў гімназіі адбылося адбылося свята “Мы першакласнікамі сталі”. Разам з дзецьмі на свяце прысутнічалі і іх бацькі.

 Таксама прайшлі мерапрыемствы ў класных калектывах. Навучэнцы 3-х класаў наведалі гульню-падарожжа “Зямля Беларусі”.  Самыя цікаўныя сямікласнікі праверылі свае веды ў віктарыне “ТОП 20: цікавыя факты аб Беларусі”. Васьмікласнікі наведалі Дзяржынскую раённую бібліятэку. Супрацоўнікі бібліятэкі, у асобе Жыбурт Вольгі Станіславаўны, прапанавалі падлеткам паўдзельнічаць у патрыятычным квэсце, прысвечаным Году гістарычнай памяці. Настаўнік гісторыі і грамадазнаўства Паршын Павел Дзмітрыевіч правёў інтэрактыўную пляцоўку “Нельга забыць”. Хлопцы і дзяўчаты ўспомнілі месцы Дзяржынскага раёна, якія былі спалены ў гады Вялікай Айчыннай вайны.

Працавалі факультатывы, прайшоў першы этап рэспубліканскай алімпіяды  па вучэбных прадметах «Фізіка», «Біялогія», «Працоўнае навучанне», «Руская мова» і «Руская літаратура».

Педагог сацыяльны Фурса Ірына Віктараўна правяла для шасцікласнікаў трэнінг з элементамі гульні “Вучымся быць адказнымі”.

 Для ўдзельнікаў клуба “X-Stream” працавала творчая майстэрня «Happy Teacher`s Day».

Таксама працавалі гурткі “Рукатворушка”, “Тэатр моды “Шарм”, “Happy English”, “Робататэхніка”, “Чайна клаб”, “Разумнікі і разумніцы”, “Вясёлыя кляксы”, “Чароўная майстэрня”, “Патрыёты”.

У гэты ж дзень праходзіла акцыя “Клопат”. Навучэнцы гімназіі віншавалі настаўнікаў-ветэранаў з Днём настаўніка.

Усяго наведала гімназічныя мерапрыемствы 420 навучэнцаў і 30 бацькоў. Большасць мерапрыемстваў была прысвечана грамадзянска-патрыятычнаму выхаванню.

Больш падрабязна аб мерапрыемствах гімназычнай суботы можна будзе таксама прачытаць на нашым сайце, Телеграм канале, Instagram.

Намеснік дырэктара па выхаваўчай рабоце С.І.Паўлоўская