Кожны чацвер і кожную суботу у лютым навучэнцы 10 і 11 класаў устаноў адукацыі Дзяржынскага раёна ( і  не толькі) могуць прыняць удзел у  другім этапе репетыцыйнага тэсціравання, якое праводзіць Рэспубліканскі інстытут кантролю ведаў.

Удзел у рэпетыцыйным тэсціраванні — вельмі карысны занятак, які дазваляе ўдзельнікам паспрабаваць свае сілы ў выкананні заданняў, аналагічных заданням ЦТ і ЦЭ, рэальна ацаніць уласную падрыхтоўку, параўнаць атрыманы вынік са школьнай адзнакай па прадмеце; знайсці слабыя месцы ў ведах,  патрэніравацца ў запаўненні бланка адказаў, навучыцца не рабіць і выпраўляць памылкі пры яго афармленні.

Кожны старшакласнік  вырашае сам, ці варта ісці на РТ, і дзе яго праходзіць. За два першых тыдні  лютага  будучыя абітурыенты  напісалі амаль 90  тэстаў. Зарэгістравацца для ўдзелу ў рэпетыцыйным  тэсціраванні магчыма загадзя або да  0 гадзін напярэдадні  таго дня, калі вы плануеце пісаць тэст. Удзел у тэсціраванні па адным вучэбным прадмеце каштуе 8,20 беларускіх рублеў.  Даты правядзення тэсціравання на базе гімназіі  ў лютым: 16, 18, 23 і 25 лютага.

Адказны арганізатар   тэсціравання Мігура Г.Я.