Абласны міні-турнір юных матэматыкаў

25 красавіка 2015 года  на базе сярэдняй школы №1 г. Фаніпаля  адбыўся III абласны  міні-турнір юных матэматыкаў. 147 хлопчыкаў і дзяўчынак з 19 каманд вобласці спаборнічалі ў кемлівасці, ўменні вырашаць алімпіядныя задачы і абараняць свае работы.  Турнір складаўся з трох этапаў: першы этап — індывідуальны, другі этап — групавы і трэці этап — матэматычныя баі.У турніры  прыняла ўдзел каманда гімназіі г. Дзяржынска. У складзе каманды шэсць навучэнцаў  5 «А» класа:  Вакуленчык Уладзіслаў, Коўтун Анастасія, Няфёдаў Данііл, Пракопчык Мацвей, Солаш Іван і Філіповіч Цімафей.  Па выніках турніру каманда гімназіі ўзнагароджана  Пахвальным водгукам!

Пры падрыхтоўцы да турніру  юныя матэматыкі актыўна супрацоўнічалі са старшакласнікамі , якія маюць досвед удзелу ў турнірах юных матэматыкаў.   Выказваем падзяку ўдзельнікам турніру і кіраўніку каманды  —  настаўніку матэматыкі — Валахановіч Таццяне Уладзіміраўне і жадаем далейшых поспехаў!