У суботні дзень працавалі секцыі і аб’яднанні па інтарэсах спартыўнай накіраванасці – “Спартыўныя гульні”, “Таеквандо”, “Белая ладдзя”.
Прайшлі заняткі міжшкольнага педагагічнага класа, факультатыўныя заняткі музычнай накіраванасці, па вучэбных прадметах (абагульняючы факультатыўны курс па фізіцы, рашэнне творчых задач); заняткі гурткоў “Гімназічны тэатр”, “Масцярыца”, “Юны журналіст”, “Крэатыўчык”, “Чароўная мазайка”, “Lingwista”, “Miłośniki języka polskiego”, “ABC” і інш.
Гімназісты, якія наведалі ў суботні дзень бібліятэку, змаглі пазнаёміцца з літаратурай і выданнямі, прадстаўленымі на кніжных выставах ““Нацыянальная бібліятэка Беларусі – наш гонар!” (да 95-годдзя з дня заснавання Нацыянальнай бібліятэкі Беларусі і да Дня бібліятэк РБ), “Феликс Дзержинский: рыцарь революции” (да 140-годдзя палітычнага дзеяча), “Кніжны калейдаскоп”, “Гэта цікава” і інш.
Весела і актыўна шосты школьны дзень у нашай гімназіі праходзіў для акцябрат і піянераў дружыны “Спадчына”, якія сталі ўдзельнікамі спартыўнага свята да Дня нараджэння ГА “БРПА” “Расці здаровым, акцябронак!”.
Безумоўна, што самым масавым і захапляльным мерапрыемствам гімназічнай суботы стала прафарыентацыйная канферэнцыя для навучэнцаў, бацькоў, педагогаў “ProIT.Dzerzhinsk”.
Да пачатку канферэнцыі працавалі фотазоны і інтэрактыўныя пляцоўкі, прайшла выстава робататэхнікі і прафарыентацыйная гульня “Профіль Плюс”.
У рамках канферэнцыі прайшла сустрэча яе ўдзельнікаў з прадстаўнікамі сферы ІТ, якія выступілі ў якасці спікераў.
Затым кожны знайшоў сабе занятак па душы: навучэнцы адправіліся на майстар-класы, пад час якіх можна было азнаёміцца з асновамі Scratch-праграміравання, навучыцца кіраваць праектамі, падрабязна даведацца аб прафесіях сервернага распрацоўшчыка і праектнага менеджэра, уласнымі вачыма ўбачыць адукацыйную робата-цацку “РобоКот К1” і многае-многае іншае.
Педагогі змаглі абмеркаваць магчымасці, якія адкрывюць перад намі сучасныя тэхналогіі.
Добры настрой усім удзельнікам мерапрыемства стварылі смачныя пірагі і булачкі і музычныя нумары гімназічнага клуба “Гармонія”.
Больш падрабязна пра дадзенае мерапрыемства можна будзе таксама прачытаць на нашым сайце.
Намеснік дырэктара
па выхаваўчай рабоце Новік А.А.
