Навучэнцы 4, 7, 8, 9, 10 класаў сталі ўдзельнікамі Дня здароўя, у рамках якога былі арганізаваны: спартландыя “Будзеш моцным, будзеш лоўкім са спартыўнай падрыхтоўкай!” (4В, 4М кл.), турнір па валейболе (8 кл.), спаборніцтвы па баскетболе сярод хлопчыкаў (7 кл.), таварыская сустрэча па валейболе (9-10 класы), рухомыя гульні для ўсіх жадаючых.
У суботні дзень працавалі аб’яднанні па інтарэсах спартыўнай накіраванасці – “Спартыўныя гульні”, “Таеквандо”, “Маўглі”, “Белая ладдзя” і інш.
Прайшлі заняткі міжшкольнага педагагічнага класа, факультатыўныя заняткі музычнай накіраванасці, па вучэбных прадметах; пасяджэнне клуба “Кліа”; заняткі Школы юных матэматыкаў для 6 “М” і 9 “А” класаў (“Числовые выражения с тремя действиями”, “Преобразование графиков функций, содержащих переменную под знаком модуля”); заняткі гурткоў “Крэатыўнае рукадзелле”, “Крэатыўчык”, “Робататэхніка”, “Што? Дзе? Калі?”, “Праграміраванне для дзяцей”, “Lingwista” “Miłośniki języka polskiego”, “ABC”, “Моднае хоббі” і інш.
Гімназісты, якія наведалі ў суботні дзень бібліятэку, змаглі пазнаёміцца з літаратурай і выданнямі, прадстаўленымі на кніжных выставах “Пісьменнікі-юбіляры” (да 200-годдзя І.Тургенева (09.11), 85-годдзя І. Буніна (10.11)), “Маладзёжныя субкультуры” (да Сусветнага дня моладзі (10.11)), “У свеце навукі” (да Сусветнага дня навукі (10.11)) і інш. Навучэнцам 5-х класаў у бібліятэцы было прапанавана прыняць удзел у пазнавальнай гадзіне да Міжнароднага дня энергазберажэння “Беражы ваду, святло, цяпло!” (11.11).
Выхаванцы гурткоў па вывучэнні польскай мовы сталі ўдзельнікамі літаратурна-музычнай кампазіцыі да 100-годдзя незалежнасці Польшчы; навучэнцы 2 “В”, 2 “Г” класаў – інтэлектуальнай гульні “Мудры філін”; навучэнцы 6 “А”, 6 “В” класаў – гульні-віктарыны “Знаўцы здаровага ладу жыцця”, арганізаванай педагогам сацыяльным Фурса І.В.; актывісты вучнёўскага самакіравання – раённага конкурсу гульнявых праграм “Гуляюць дзеці – гуляем мы!” (вынік удзелу – 2 месца!), падрыхтоўкі да прыёму навучэнцаў 5-х класаў у шэрагі БРПА і выбараў галоўнага магістра гімназіі, якія пройдуць 12.11.2018; навучэнцы 10-х класаў – Дня адчыненых дзвярэй ва УА “Ваенная акадэмія РБ”; навучэнцы 2 “М” класа – экскурсіі ў ЭБЦ; выхаванцы гуртка “Юны турыст” – раённых спаборніцтваў па тэхніцы вязання турыстычных вузлоў.
Больш падрабязна аб мерапрыемствах гімназічнай суботы можна будзе таксама прачытаць на нашым сайце.
Намеснік дырэктара
па выхаваўчай рабоце Новік А.А.
