У рамках рэалізацыі абласнога сезоннага праекта «Міншчына спартыўная. Восень» прайшлі: суботняя спартландыя для навучэнцаў 4Б, 4Г класаў, спаборніцтвы па валейболе для навучэнцаў 8 класаў. Працавалі спартыўныя секцыі «Маўглі» (бокс) і «Таеквандо». Гімназісты і педагогі сталі ўдзельнікамі другога этапу рэспубліканскай алімпіяды па фізічнай культуры і здароўю, а таксама Чэмпіяната Мінскай вобласці па баскетболе.
Прайшлі факультатыўныя заняткі музычнай накіраванасці, па вучэбных прадметах; заняткі міжшкольнага педагагічнага класа, Школы юнага матэматыка, Школы абітурыента; заняткі гурткоў «Вучуся творча думаць», “Аматары польскай мовы», «Лінгвіст», «AБВ», «Свет псіхалогіі», “Робататэхніка”, “Праграміраванне для дзяцей”.
Гімназісты, якія наведалі ў суботні дзень бібліятэку, змаглі пазнаёміцца з літаратурай і выданнямі, прадстаўленымі на тэматычных кніжных выставах “Курить не модно, модно быть здоровым” (да МН дня адмовы ад курэння (21.11), “Хто прыдумаў правы чалавека” (да Сусветнага дня правоў дзяцей (20.11)), “Тэлебачанне – цудоўны свет” (да Сусветнага дня тэлебачання (21.11)), “Знаёмцеся, новыя кнігі” і інш.
Цэнтральным мерапрыемствам шостага школьнага дня, безумоўна, стаў урачысты прыём навучэнцаў 5 класаў у шэрагі БРПА. У рамках гімназічнай суботы навучэнцы 4В класа прынялі ўдзел у экскурсіі па г.Дзяржынску з наведваннем эколага-біялагічнага цэнтра. Навучэнцы 1Г, 1М класаў сталі ўдзельнікамі інтэлект-шоў «Хачу ўсё ведаць»; навучэнцы 3-х класаў — мерапрыемства клуба “X-Stream” “Now We Know the ABC!” (займальная майстэрня); навучэнцы 6-7-х класаў — мерапрыемства клуба “Крынічка” “Путешествие по стране Русский язык” (гульня); навучэнцы 9-10-х класаў – другога этапу рэспубліканскай алімпіяды па геаграфіі, хіміі, рускай мове і літаратуры.
Больш падрабязна аб мерапрыемствах гімназычнай суботы можна будзе таксама прачытаць на нашым сайце.
Намеснік дырэктара
па выхаваўчай рабоце Новік А.А.
