20 лістапада ў Мінску адбылася канферэнцыя Unicef Talks 20, прысвечаная трыццацігоддзю з моманту падпісання Канвенцыі аб правах дзіцяці. Удзел ў ёй прыняла настаўніца грамадазнаўства і гісторыі  гімназіі Галубковіч Ала Юр’еўна, якая са студэнцкіх часоў  з’яўляецца валанцёрам Unicef Belarus.

Прадстаўнік ЮНІСЕФ ў Беларусі доктар Рашэд Мустафа Сарвар адзначыў уклад любога дарослага ў забяспечанне аховы правоў кожнага дзіцяці Беларусі.

Падчас канферэнцыі былі прадстаўлены пляцоўкі розных валанцёрскіх арганізацый, выступілі маладыя людзі, якія ўносяць свой уклад ў падтрымку дзяцей з псіха-фізічнымі асаблівасцямі, дзяцей-сірот, а таксама ўдзельнічаюць  ў маладзёжным  самакіраванні.

Напрыканцы канферэнцыі вучні, якія прысутнічалі на мітапе прынялі ўдзел ў флэшмобе і размалявалі сцену графіці.

Паважаныя вучні, настаўнікі, бацькі! Калі вы таксама маеце жаданне далучыцца да арганізацыі Unicef Belarus, калі ласка, звяртайцеся да Алы Юр’еўны Галубковіч.