Мінулая субота была прысвечана Году гістарычнай памяці.

Навучэнцы 5 “Б” класа разам з класным кіраўніком успаміналі герояў Вялікай Айчыннай вайны, імёнамі якіх назвалі вуліцы нашага горада. А ў 5 “Г” класе прайшоў круглы стол “Памяць жыве!”, дзе таксама ішла размова аб нашых знакамітых земляках.

Першакласнікі наведалі Дзяржынскі раённы гісторыка-краязнаўчы музей, каб асэнсаваць гістарычнае мінулае сваёй краіны.

 Вучні 5-9 класаў прынялі ўдзел у раённай алімпіядзе «Алімпіядныя надзеі». На базе гімназіі спаборнічалі знатакі гісторыі  і нашы юныя гісторыкі  заваявалі 7 дыпломаў.  

9 красавіка ў гімназіі г. Дзяржынска быў дадзены старт марафону «Піянер_DZR на ўсе 💯», прысвечаны 100-годдзю піянерыі. Піянеры гімназіі падрыхтавалі для сваіх сяброў з усяго раёна квест-гульню.

Клуб “Кліа” запрасіў на паседжанне “Малая радзіма ў вялікай вайне”. Хлопчыкі і дзяўчынкі даведаліся аб спаленых вёсках Дзяржыншчыны ў гады Вялікай Айчыннай вайны.

         Спадзяёмся, што навучэнцы гімназіі будуць зберагаць гераічную спадчыну свайго народа.

         Намеснік дырэктара па выхаваўчай рабоце      С.І.Паўлоўская