У суботні дзень працавалі аб’яднанні па інтарэсах спартыўнай накіраванасці: “Спартыўныя гульні”, “Гуляем у футбол”, “Юны стралок”, “Таеквандо”.

Прайшлі заняткі міжшкольнага педагагічнага класа, заняткі школы ранняга развіцця, заняткі па падрыхтоўцы да ўступных іспытаў у 5 класы гімназіі.

Гімназісты, якія наведалі ў суботні дзень бібліятэку, змаглі пазнаёміцца з літаратурай і выданнямі, прадстаўленымі на кніжных выставах “2016 — Год культуры”, “Музеі Беларусі”, “Гэтыя кнігі чыталі вашы бацькі”.

Навучэнцы 2 “А”, 2 “Б” класаў сталі ўдзельнікамі віктарыны “У гасцях у казкі”; навучэнцы 7 класаў – экалагічнай гульні “Што? Дзе? Калі”, якая прайшла ў рамках дзейнасці аб’яднання па інтарэсах “Мерыдыян” (ЭБЦ).

Навучэнцы 8 класаў прынялі ўдзел у пасяджэнні гімназічнага клуба “X-stream”, у рамках якога была арганізавана інтэлектуальная гульня “We Enjoy Learning English!”.

Навучэнцы 5 класаў, якія наведваюць аб’яднанне па інтарэсах “Kapuśniaczek”, сталі ўдзельнікамі гімназічнага конкурсу чытальнікаў польскай паэзіі.

Навучэнцы 2 “В” класа ў суботні дзень наведалі турыстычны комплекс “Панскі маёнтак Сула”. Экскурсія была арганізавана ў рамках Тыдня турызму і краязнаўства.

Актывісты піянерскай дружыны “Спадчына” сталі ўдзельнікамі раённага піянерскага свята “Заўседы разам”, пад час якога прайшла гульня па станцыях “Дзяржыншчына піянерская”. Вынік удзелу ў гульні гімназічнай каманды “Піянеры XXI стагоддзя” – дыплом I ступені. Піянерская дружына “Спадчына” была таксама адзначана дыпломам за актыўны і выніковы ўдзел у жыцці ГА “БРПА” у 2015/2016 навучальным годзе.

Навучэнцы 5-11 класаў прынялі ўдзел у творчай справаздачы аб рэалізацыі сацыяльна значных праектаў па класах, паралелях “Калейдаскоп праектаў”. Неабходна адзначыць, што прадстаўнікі кожнай паралелі адказна падышлі да падрыхтоўкі і прэзентацыі сваіх справаздач.

Пераможцамі ў наступных намінацыях сталі:

“Самая пазітыўная прэзентацыя” – навучэнцы 5 “М” класа,

“Самая мудрая прэзентацыя” – навучэнцы 6 паралелі,

“Самая карысная прэзентацыя” – навучэнцы 7 паралелі,

“Самая дружная прэзентацыя” – навучэнцы 8 паралелі,

“Самая шчырая прэзентацыя” – навучэнцы 10 паралелі,

“Самая пазнавальная прэзентацыя” – навучэнцы 11 паралелі.

Навучэнцы будуць узнагароджаны ў панядзелак, у рамках правядзення XXXII агульнагімназічнай вучнёўскай канферэнцыі.

У суботні дзень гімназісты таксама сталі ўдзельнікамі міжнароднага конкурсу-алімпіяды “Мост кітайскай мовы”.

Намеснік дырэктара

па выхаваўчай рабоце Новік А.А.