Інфармацыйнае пісьмо
Паважаныя чытачы!
Часопіс “Народная асвета” ўжо амаль 90 гадоў імкнецца ўсебакова і поўна асвятляць на сваіх старонках эфектыўны педагагічны вопыт самых розных устаноў адукацыі, знаёміць чытачоў з інавацыямі ў сферы адукацыі і культуры. Працягваючы шматгадовыя традыцыі цеснага супрацоўніцтва з аўтарамі і чытачамі, у 2013 годзе мы запрашаем вас да ўдзелу ў абмеркаванні найбольш актуальных пытанняў навучання і выхавання дзяцей і моладзі, якія пакуль не атрымалі поўнага і ўсебаковага асэнсавання ў педагагічным асяроддзі.
З вашай дапамогай мы плануем комплексна і сістэмна разгледзець тэарэтычныя, метадычныя, практычныя аспеты наступных тэм:
- “Асаблівасці прафарыентацыйнай работы ў школе на сучасным этапе”.
- “Творчасць настаўніка – найвышэйшы ўзровень прафесіяналізму”.
- “Роля аўтарскіх дыдактычных сістэм у павышэнні якасці навучання школьнікаў”.
- “Фарміраванне прафесійнай кампетэнтнасці маладых педагогаў”.
- “Актыўнае і інтэрактыўнае навучанне: тэорыя і практыка”.
- “Прадметныя тыдні ў школе: метадычныя асновы, сістэма мерапрыемстваў”.
- “Інтэграцыя школьных дысцыплін для фарміравання цэласнай карціны свету”.
- “Выхаваўчы патэнцыял сучаснага ўрока”.
- “Грамадзянска-патрыятычнае выхаванне (асноўныя кірункі, сістэма работы)”.
- “Фарміраванне навыкаў здаровага ладу жыцця: узаемадзеянне сям’і і школы”.
- “Экалагічнае выхаванне школьнікаў”.
- “Школа па законах прыгажосці (эстэтыка ў школе)”.
Далучайцеся да ліку нашых аўтараў і чытачоў – і вы заўсёды будзеце ў цэнтры педагагічнага жыцця краіны!
Рэдакцыя часопіса “Народная асвета”
