11 студзеня ў Мінскай вобласці стартуе трэці этап рэспубліканскай алімпіяды па вучэбных прадметах 2020/2021 навучальнага года.
З 11 да 14 студзеня 2021 года 8 навучэнцаў гімназіі прымць удзел у інтэлектуальных спаборніцтвах па астраноміі, англійскай мове, геаграфіі, інфарматыцы і матэматыцы.
Ацэньваць выкананне навучэнцамі алімпіядных заданняў будзе кампетэнтнае журы, у склад якога ўваходзяць 176 выкладчыкаў. Гэта спецыялісты Нацыянальнай акадэміі навук Беларусі, Беларускага дзяржаўнага універсітэта, Беларускага дзяржаўнага педагагічнага ўніверсітэта ім. Максіма Танка, Беларускага дзяржаўнага універсітэта інфарматыкі і радыёэлектронікі, Беларускага нацыянальнага тэхнічнага універсітэта, Мінскага дзяржаўнага лінгвістычнага ўніверсітэта і іншых устаноў вышэйшай адукацыі краіны, а таксама настаўнікі і выкладчыкі ўстаноў агульнай сярэдняй і сярэдняй спецыяльнай адукацыі Мінскай вобласці і горада Мінска.
Па выніках трэцяга этапа рэспубліканскай алімпіяды будзе вызначаны склад каманд Мінскай вобласці для ўдзелу ў заключным этапе рэспубліканскай алімпіяды па вучэбных прадметах. Вельмі спадзяемся ўбачыць нашых гімназістаў у ліку пераможцаў трэцяга этапу рэспубліканскай алімпіяды!
Жадаем ўдзельнікам ўпэўненасці ў сваіх сілах, добрага настрою і поспеху!
