Штогод навучэнцы гімназіі, якія паказваюць высокія вынікі ў алімпіядным руху і даследчай дзейнасці, па выніках года ўзнагароджваюцца аднаразавымі прэміямі. Традыцыйна вучні знаёмяцца з загадам аб прызначэнні прэмій у рамках Дня навукі, які ў гэтым годзе адбыўся 19 сакавіка. Аднак выплаты прэмій былі адкладзеныя на некаторы час.

З сённяшняга дня навучэнцы могуць атрымаць свае прэміі ў бухгалтэрыі гімназіі. Па загадзе дырэктара гімназіі на заахвочванне навучэнцаў з пазабюджэтных сродкаў выдзелена 1244 рублі. У спісе ўзнагароджаных 52 навучэнцы — пераможцы другога,  трэцяга і заключнага  этапаў рэспубліканскай алімпіяды па вучэбных прадметах, алімпіяды па фінансавай пісьменнасці,  абласных дыстанцыйных алімпіяд, абласных,  рэспубліканскіх і міжнародных конкурсаў работ даследчага характару.

Мігура Г.Я., намеснік дырэктара