На гэта пытанне, якое сёння турбуе вучняў старэйшых класаў, паспрабаваў даць адказ намеснік дэкана факультэта завочнага навучання ўстановы адукацыі «Гродзенскі дзяржаўны аграрны універсітэт» Хабец Аляксандр Міхайлавіч, які завітаў да старшакласнікаў гімназіі ў чацвер 10 снежня. Гродзенскі дзяржаўны аграрны універсітэт з’яўляецца найбуйнейшым адукацыйным і навуковым цэнтрам Заходняга рэгіёну Беларусі. Ён быў заснаваны ў 1951 годзе.
Універсітэт вядзе падрыхтоўку на 8 факультэтах па 11 спецыяльнасцях сельскагаспадарчага, інжынерна-тэхналагічнага і эканамічнага профіляў. Выкарыстоўваюцца прагрэсіўныя метады і тэхналогіі навучання, вядзецца сумесная адукацыйная і навукова-даследчая дзейнасць са спецыялістамі краін блізкага і далёкага замежжа, дзе навукоўцы і студэнты ўніверсітэта маюць унікальную магчымасць абмену вопытам і навуковай інфармацыяй. Геаграфія ВНУ і навуковых цэнтраў, з якімі універсітэт падтрымлівае сувязі, даволі шырокая: Англія, Германія, Данія, Галандыя, Літва, Польшча, Расія, Украіна, Фінляндыя, Швейцарыя і інш.
Чытаць аб Гродзенскім дзяржаўным аграрным універсітэце тут>>>
