Сёння ў гімназіі №1 г. Дзяржынска яшчэ два педагогі нашай гімназіі прадэманстравалі свае прафесійныя здольнасці ў першым очным туры раённага этапу рэспубліканскага конкурсу «Настаўнік года Рэспублікі Беларусь»: Рудэнка Рэната Генадзьеўна, настаўнік беларускай мовы і літаратуры, і Дубень Яніна Сяргееўна, настаўнік пачатковых класаў, якая правяла адкрыты ўрок рускай мовы ў 4 класе.
Рэната Генадзьеўна правяла занятак у 8 класе па тэме «Уладзімір Караткевіч. «Паром на бурнай рацэ»». Настаўніца паказала, што беларуская літаратура — гэта не проста чытанне тэксту, а сапраўднае гістарычнае даследаванне, якое дапамагае вучням адчуць глыбіню нацыянальнай самасвядомасці.
Урок быў пабудаваны як урок-даследаванне: вучні выступалі ў ролі «даследчыкаў» і «дэтэктываў», шукалі схаваныя сэнсы ў творчасці Караткевіча,
параўноўвалі гістарычныя факты і мастацкае адлюстраванне падзей.
Такім чынам, літаратура стала для школьнікаў не толькі мастацтвам слова, але і ключом да разумення гісторыі і каштоўнасцяў народа.
У 4 класе Яніна Сяргееўна правяла адкрыты ўрок па рускай мове на тэму «Правапіс склонавых канчаткаў у форме адзіночнага і множнага ліку».
Нягледзячы на тое, што тэма выглядае даволі «сухой», занятак атрымаўся жывы і насычаны:
- вучні актыўна працавалі з карткамі,
- адказвалі каля дошкі,
- чыталі вершы, замацоўваючы правілы праз мастацкае слова.
Асаблівая ўвага была нададзена двум словам — «герой» і «жыццё». Менавіта яны сталі асновай для размовы пра тое, як важна цаніць тое, што маем, і любіць сваю Радзіму. Такім чынам, урок ператварыўся ў спалучэнне лінгвістыкі і грамадзянскага выхавання.
Абодва адкрытыя ўрокі паказалі, што конкурс «Настаўнік года» — гэта не толькі спаборніцтва, але і школа прафесійнага росту, дзе педагогі дзеляцца вопытам і вучацца адзін у аднаго.
Настаўнікі даказалі, што нават складаную тэму можна падаць цікава і даступна; урок можа быць і даследаваннем, і дыялогам. І вельмі важна, што праз мову і літаратуру можна выхоўваць у дзяцей любоў да Радзімы і павагу да каштоўнасцяў.
