Навучэнцы 5-11 класаў сталі ўдзельнікамі Дня здароўя “Здаровы я – здаровая сям’я!”, у рамках якога былі арганізаваны: спартландыя (5-6 класы), спаборніцтвы па бегу на 1000 м (5-6 класы) і эстафетным бегу (7-8  класы), спаборніцтвы па піянерболе (5-6 класы), спаборніцтвы па футболе (5-8 класы), спаборніцтвы па валейболе (7-11 класы), турнір па стральбе з пнеўматычнай вінтоўкі, спаборніцтвы па перацягванню каната.

Навучэнцы 1 “А” і 1 “М” класаў, бацькі сталі ўдзельнікамі святочнай спартландыі “Тата, мама, я – спартыўная сям’я”, прымеркаванай да Міжнароднага дня сям’і (15.05).

Прайшлі заняткі міжшкольнага педагагічнага класа, заняткі школы ранняга развіцця, заняткі па падрыхтоўцы да ўступных іспытаў у 5 класы гімназіі.

Гімназісты, бацькі будучых першакласнікаў, якія наведалі ў суботні дзень бібліятэку, змаглі пазнаёміцца з літаратурай і выданнямі, прадстаўленымі на кніжных выставах “Што чыталі вашы бацькі”, “Для вас, бацькі”.

Навучэнцы 6 класаў прынялі ўдзел у пасяджэнні гімназічнага клуба “X-stream”, у рамках якога была арганізавана гульня-выстава “Having a Hobby Is Great!”.

Навучэнцы 1 “Б” класа ў суботні дзень наведалі гарадскую бібліятэку.

Актывісты піянерскай дружыны “Спадчына”, ПА ГА “БРСМ”, прадстаўнікі вучнёўскага самакіравання сталі ўдзельнікамі пасяджэння Дзіцячага раённага парламента.

Намеснік дырэктара

па выхаваўчай рабоце Новік А.А.