Навучэнцы 9-11-х класаў, педагогі сталі ўдзельнікамі традыцыйнага ваенна-спартыўнага свята “А ну-ка, хлопцы!”, у рамках якога былі арганізаваны спаборніцтвы па падцягванню, чаўночным безе, стральбе з пнеўматычнай вінтоўкі, зборцы магазіна АКМ. Па выніках удзелу ва ўсіх конкурсах пераможцамі сталі наступныя навучэнцы 11 “В” класа:

1 месца – Ланевіч Уладзіслаў,

2 месца – Кадлубовіч Яўгеній,

3 месца – Нагібовіч Уладзіслаў.

Хацелася б адзначыць, што Ланевіч У. і Кадлубовіч Я. становяцца пераможцамі дадзенага спаборніцтва ўжо другі год запар. Лепшай камандай таксама стала каманда юнакоў 11 “В” класа.

У суботні дзень працавалі аб’яднанні па інтарэсах спартыўнай накіраванасці – “Спартыўныя гульні”, “Таеквандо”; навучэнцы 3 класаў прынялі ўдзел у чарговым туры гульні “Два агні”.

Прайшлі заняткі міжшкольнага педагагічнага класа, факультатыўныя заняткі па вучэбных прадметах, заняткі гурткоў, заняткі па падрыхтоўцы да ўступных іспытаў у 5 класы гімназіі, а таксама заняткі па падрыхтоўцы да навучання ў пачатковай школе. Навучэнцы 7-11 класаў змаглі атрымаць кансультацыі па вучэбных прадметах “Матэматыка”, “Хімія”, “Беларуская мова”.

Гімназісты, якія наведалі ў суботні дзень бібліятэку, змаглі пазнаёміцца з літаратурай і выданнямі ў рамках кніжных выстаў “Трагедыя і доблесць Афгана”, “Дарогамі вайны”, “Родная мова – крыніца празрыстая” (да Міжнароднага дня роднай мовы (21.02)). А навучэнцам 5-х класаў у бібліятэцы было прапанавана паўдзельнічаць у конкурснай праграме “Літаратурныя гонкі”.

У шосты школьны дзень гімназісты таксама сталі ўдзельнікамі заключнага этапу рэспубліканскага конкурсу работ даследчага характару (канферэнцыі) навучэнцаў па фізіцы і біялогіі, арганізаваным на базе Мінскага дзяржаўнага абласнога ліцэя. А выхаванцы гімназічнага клуба “Гармонія” прынялі ўдзел у I Нацыянальным конкурсе мастацтваў “Вышыня”, які прайшоў у г.Магілёве.

Навучэнцы 6 “А”, 6 “В” класаў з задавальненнем паўдзельнічалі ў гадзіне прафесійнай арыентацыі “Пасвячэнне ў прафесію”; а навучэнцы 7-9 класаў – у раённым фестывалі КВЗ “Таленавітая моладзь таленавітая ва ўсім”, па выніках якога каманда гімназіі была адзначана граматай за актыўны ўдзел.

Навучэнцы пачатковых класаў прынялі ўдзел у першым этапе Дзён творчасці і спаборніцтваў “У коле сям’і, разам з настаўнікам”. У гэты дзень свае таленты і ўменні змаглі прадэмастраваць маленькія мастакі, эколагі і калекцыянеры. Таксама прайшлі спаборніцтвы па шашках.

Прыемным завяршэннем гімназічнай суботы стаў вечар адпачынку для старшакласнікаў.

Намеснік дырэктара

па выхаваўчай рабоце Новік А.А.