9 мая навучэнцы, бацькі, педагогі гімназіі сталі ўдзельнікамі раённых мерапрыемстваў, прымеркаваных да 73-яй гадавіны Вялікай Перамогі.
Кіраўніцтва гімназіі, педагогі, навучэнцы 6-11 класаў прынялі ўдзел ў святочным шэсці на гарадскую плошчу, мітынгу, а затым – ва ўрачыстым шэсці на Брацкія могілкі. Святочная калона гімназіі была ўпрыгожана кветкамі і шарамі ўсіх колераў вясёлкі, а таксама шчырымі, радаснымі ўсмешкамі ўсіх удзельнікаў мерапрыемства.
У рамках правядзення мітынга прайшла цырымонія ўшанавання ветэранаў Вялiкай Айчыннай вайны, пад час якой піянеры дружыны гімназіі ўручылі ветэранам кветкі, а таксама акцыя-шэсце “Бессмяротны полк”. Галоўная мэта акцыі – прадэманстраваць, што гонар за подзвігі ветэранаў будзе вечна жыць у памяці пакаленняў.
Піянеры дружыны нашай ўстановы традыцыйна сталі ўдзельнікамі Вахты памяці на Брацкіх могілках і “жывога калідора” уздоўж вуліцы 1-ай Ленінскай.
Затым навучэнцы і педагогі гімназіі прынялі ўдзел у выставе-продажы бізнес-кампаній устаноў адукацыі раёна і творчай выставе “Гісторыя развіцця адукацыі Дзяржынскага раёна”.
Самыя спартыўныя гімназісты сталі ўдзельнікамі святочнай легкаатлетычнай эстафеты.
Намеснік дырэктара
па выхаваўчай рабоце Новік А.А.
