Менавіта пад такім дэвізам прайшоў 12 студзеня шосты школьны дзень у нашай гімназіі.

Навучэнцы 5-8-х класаў сталі ўдзельнікамі тэматычнага Дня здароўя. Працавалі аб’яднанні па інтарэсах спартыўнай накіраванасці – “Спартыўныя гульні”, “Маўглі”, “Белая ладдзя”, “Таеквандо”, “Баскетбол” і інш. На базе гімназіі прайшлі раённыя спартыўныя спаборніцтвы па лыжных гонках.

Прайшлі заняткі міжшкольнага педагагічнага класа, факультатыўныя заняткі музычнай накіраванасці, па вучэбных прадметах; заняткі Школы абітурыента, Школы ранняга развіцця; заняткі гурткоў “Крэатыўнае рукадзелле”, “Што? Дзе? Калі?”, “Lingwista”, “Miłośniki języka polskiego”, “ABC”, “Робататэхніка”, “Праграміраванне для дзяцей” і інш.

Гімназісты, якія наведалі ў суботні дзень бібліятэку, змаглі пазнаёміцца з літаратурай і выданнямі, прадстаўленымі на кніжных выставах “Птушка 2019 года: 10 цікавых фактаў”, “Пісьменнікі-юбіляры”, “Харукі Муракамі” і інш. Навучэнцам 4А класа ў бібліятэцы было прапанавана прыняць удзел у пазнавальнай гадзіне “Дзень заказнікаў і нацыянальных паркаў”.

Навучэнцы 1А, 1М класаў сталі ўдзельнікамі творчай майстэрні, у межах якой быў створаны калаж “Зімовыя забавы”; выхаванцы клуба “Гармонія”, педагогі гімназіі – традыцыйнага святочнага мюзікла “Чароўны куфэрак”.

Больш падрабязна аб мерапрыемствах гімназічнай суботы можна будзе таксама прачытаць на нашым сайце.

Намеснік дырэктара

па выхаваўчай рабоце Новік А.А.