Віншуем Дораш Анастасію, навучэнку 11 «А» класа, і яе кіраўніка — настаўніка біялогіі Слінка Святлану Уладзіміраўну
з перамогай у абласным этапе рэспубліканскага конкурсу навуковых эколага-біялагічных работ, які завяршыўся 30 студзеня на базе Мінскага дзяржаўнага абласнога ліцэя.
Ганаровае першае месца ў абласным этапе конкурсу дае Анастасіі шанец прыняць удзел у заключным этапе конкурсу і, спадзяемся, атрымаць перамогу! Навуковая праца Анастасіі, што была прадстаўлена на конкурс, — гэта вынік уласных даследаванняў па вывучэнні і захаванні біялагічнай разнастайнасці, эфектыўнага і рацыянальнага выкарыстання прыродных раслінных рэсурсаў, што ў цяперашні час з’яўляюцца аднымі з прыярытэтных у нашай рэспубліцы і ва ўсім свеце задач.
Усяго на тэрыторыі раёна адзначана 26 відаў рэдкіх і знікаючых відаў раслін, 5 відаў маюць статус ахоўных для раёна.
Мэта работы юнай даследчыцы — маніторынг папуляцыі рэдкай і знікаючай расліны — шматножка звычайная- на тэрыторыі Дзяржынскага раёна, вывучэнне структуры сучаснага стану папуляцыі і падрыхтоўка прапаноў па яе ахове на тэрыторыі раёна.