Фестываль замежных моў традыцыйна закончыўся паэтычным конкурсам Poetry Party.

15 лютага, у суботу выдаўся цудоўны дзень! Марозная сонечная раніца разбудзіла гімназістаў! Пераадольваючы лёгкае хваляванне, прыбраўшыся адпаведна нагоды, многія з іх адправіліся ў школу, каб паўдзельнічаць у займальным мерапрыемстве.

Фестываль замежных моў традыцыйна заканчваўся паэтычным конкурсам Poetry Party. 32 гімназісты з 5 па 9 клас падрыхтавалі свае любімыя вершы, каб падзяліцца імi са сваімі таварышамі.  У ўтульным кабінеце, падрыхтаваным да конкурсу, прагучалі розныя вершы — ад дзіцячых рыфмовак да санэтаў Шэкспіра. Некаторыя ўдзельнiкi  нават інсцэніравалі свае вершы. Атрымалася весела, пацешна і нестандартна! Шмат часу і намаганняў ўдзельнікі выдаткавалі на стварэнне кранальных, выразных і запамінальных прэзентацый да вершаў — ад прыгожых (нават сямейных J) фотаздымкау да мультфільмаў!

А пачалося свята з сюрпрызу! У якасці членаў журы былі запрошаны два незвычайных госця — выпускніца гімназіі 2016 года Анастасія Барута (студэнтка апошняга курса БДУІРа, супрацоўніца  сучаснай IT-кампаніі) і яе сябар з Лондана Энтані (студэнт-археолаг Універсітэта горада Манчэстэр). Маладыя і паспяховыя людзі падзяліліся сваім вопытам, далі каштоўныя парады дзецям, як знайсці сваё месца ў жыцці, зрабіць яго больш займальным, цікавым і напоўніць зместам. Іх бліскучая англійская мова даказала, што мова — гэта ключ да поспеху! Актыўная жыццёвая пазіцыя (удзел у разнастайных мерапрыемствах) дае ўпэўненасць у сваіх сілах і здольнасцях.

Гімназісты засыпалі іх пытаннямі і з цікавасцю слухалі адказы пра ўсё на свеце — пра сям’ю і гадаванцаў, хобі і здаровы лад жыцця, будучыя прафесіі і планы, пра Лондан і ўражанні аб нашай краіне.

Калі ж наступіў момант падвядзення вынікаў паэтычнага конкурсу, журы адчула немалую цяжкасць … Чаму? Ды таму, што ўсе ўдзельнікі прадставілі свае кампазіцыі таленавіта і натхнёна!

І вось – вынік!

Ні адзін з іх не застаўся без узнагароды:

Паплаўская Г.А., Бараўцова В.Л., настаўнікі англійскай мовы