У шосты школьны дзень у гімназіі было асабліва шматлюдна.
Для вучняў пачатковых класаў Дзяржынскага раёна стартавалі Дні творчасці і спаборніцтваў “Быць дзяржынцам – гэта гонар!”. У гімназіі сустрэліся юныя знаўцы прыроды, мастакі, калекцыянеры і аматары гульні у шашкі.
Прайшлі факультатыўныя заняткі музычнай накіраванасці, па вучэбных прадметах, заняткі міжшкольнага педагагічнага класа, Школы юнага матэматыка, Школы абітурыента, заняткі гурткоў “Робататэхніка” і інш.
У межах рэалізацыі абласнога сезоннага праекта “Міншчына спартыўная. Зіма” прайшла спартландыя для вучняў 3 класаў “Спорт нам дапамагае сілы памнажаць!”, турнір па баскетболе для 7 класаў, спаборніцтвы па шашках сярод 7, 8 класаў і турнір па настольным тэнісе, прайшла падрыхтоўка да раённых спаборніцтваў “Снежны снайпер”. Працавалі спартыўныя секцыі “Таеквандо”, “Рухомыя гульні”.
Прайшла гульнявая праграма «Ты і твае сябры» для вучняў 3В, 3Г класаў. У межах месячніка пажарнай бяспекі для вучняў 4А і 4Б класаў адбылася інтэрактыўная гульня “Школа пажарнай бяспекі”.
Паседжанне клуба “Крынічка” было прысвечана Дню памяці воінаў-інтэрнацыяналістаў “Пакуль мы памятаем – мы жывём”. Клуб “X-Stream” запрасіў усіх жадаючых на літаратурную гасціную “The Wonderful World of English Poetry”, дзе вучні чыталі вершы і змаглі пагутарыць са студэнтам з Манчэстэра.
Дзяўчынкі 8 – 11 класаў прынынялі ўдзел у профарыентацыйным 10 мітапе праекта “ProGIRLS”.
У біблятэцы вучняў 4 класаў чакала цікавая віктарына па рэсурсазберажэнню “Будзем эканомнымі”. Працавала выстава “Трагэдыя і доблесць Афгана”, прысвечаная Дню памяці воінаў-інтэрнацыяналістаў, прайшоў агляд кніг, падораных чытачамі да Міжнароднага дня дарэння кніг “Дарыць заўсёды прыемна”.
Для будучых першакласнікаў працавала Школа ранняга развіцця.
У рэпетыцыйным тэсціраванні па матэматыцы, фізіцы, біялогіі, грамадазнаўстве прынялі ўдзел вучні 10-11 класаў устаноў адукацыі Дзяржынскага раёна.
Больш падрабязна аб мерапрыемствах гімназічнай суботы можна будзе таксама прачытаць на нашым сайце.
Педагог-арганізатар В.А.Дубоўская
