Унутрыгімназічны этап раённай алімпіяды “Алімпіядныя надзеі” для навучэнцаў 4-9 класаў па вучэбных прадметах прайшоў з 11 па 17 сакавіка.  Для ўдзелу ў алімпіядзе зарэгістраваліся  423 удзельнікі.

Унутрыгімназічны этап алімпіяды  — гэта  добрая магчымасць  праверыць свой узровень ведаў па прадмеце, заняцца разумовай гімнастыкай, адкрыць для сябе новыя перспектывы. І нават, калі не ўсе заданні выконваюцца лёгка, мы разумеем, што не толькі перамога, але і ўдзел у алімпіядзе можа стаць добрай падрыхтоўкай да выпрабаванняў у будучым.

 А яшчэ алімпіяды развіваюць лагічнае мысленне і навыкі апрацоўкі інфармацыі, што карысна ў любой прафесіі. Для  паспяховай кар’еры ў будучыні неабходна ўжо сёння набываць  звычку інтэнсіўна працаваць.