У суботу, 19 верасня,  Інфаклуб   запрасіў шасцікласнікаў на мерапрыемства «Свая гульня». І хоць, многія вучні ўжо трохі стаміліся пасля спартыўных гульняў  у піянербол і баскетбол, знайшліся тыя, хто прыняў удзел і ў гэтай гульні. Спачатку  ўдзельнікі пазнаёміліся з правіламі гульні, якіх яны не ведалі. Падзяліліся на дзве каманды, выбралі капітанаў і гульня  пачалася . Выбіралі катэгорыю і пытанне з вызначаным балам. Задачы былі і лагічныя, і арыфметычныя, і алгарытмічныя, і жыццёвыя.  Дзецям  было цікава знаходзіць адказы. Нешта яны ўжо ведалі, а штосьці  ім трэба будзе яшчэ даведацца. Напрыклад, яны з лёгкасцю ўспомнілі нядаўна вывучанаю на ўроку інфарматыкі прыладу, якая мае агульную назву з англійскім  горадам і стрэльбай калібра 30 на 30. А вы ведаеце? Калі не, прымайце  ўдзел у мерапрыемствах нашага Інфаклуба і вы даведаецеся шмат цікавага …  А так як 19 верасня адзначаецца Дзень смайліка, хлопцы і дзяўчаты  шчодра дарылі ўсмешку адзін аднаму. Бо ўсе ведаюць, што хоць  яна нічога не варта, а падымае настрой усім.

Трацэўская Л.Б., настаўнік інфарматыкі