Вось і  скончылася І чвэрць, але гімназісты не спяшаюцца пакідаць гімназію. Суботні дзень тут быў перапоўнены дзіцячымі галасамі.

     Пачаў сваю работу аздараўленчы лагер “Лістападнічак” для навучэнцаў 1-5 класаў.

     Малодшыя гімназісты ўспомнілі любімыя казкі. Для навучэнцаў 4-х класаў адбылося свята ў “Свеце прафесій”. Бацькі разам з класнымі кіраўнікамі дапамаглі дзецям пазнаёміцца з рознымі прафесіямі. Гэта была цудоўная магчымасць правесці выхадны дзень разам.

   Як заўсёды гімназістаў чакала спартыўная зала. Яны змаглі пагуляць у піянербол, валейбол, а навучэнцы малодшых класаў наведалі гурток “Рухомыя гульні”.

   У чарговы раз прайшоў рэгулярны чэмпіянат па інтэлектуальных гульнях “Мудрая сава”. На гэты раз сярод навучэнцаў 9 класаў. Для навучэнцаў 5-х класаў былі арганізаваны інтэрактыўныя гульні “Эрудыт”, “Я і інтэрнэт”.    Прайшлі факультатыўныя заняткі музычнай накіраванасці, па вучэбных прадметах, заняткі міжшкольнага педагагічнага класа. Працавала школа абітурыента: заняткі па матэматыцы, гісторыі.  Вучні 10-11 класаў устаноў адукацыі Дзяржынскага раёна паспрабавалі свае сілы ў першым эапе рэпетыцыйнага тэсціравання.

   Таксама працавалі гурткі “Мод-Да”, “Тэатр моды “Шарм”, “Юны паляўнічы і рыбалоў”, “Кола сяброў”, “Баль, баль, баль!”, “Свет псіхалогіі”, “Лінгвіст”, “АВС”

    Больш падрабязна аб мерапрыемствах гімназычнай суботы можна будзе таксама прачытаць на нашым сайце.

Намеснік дырэктара па выхаваўчай рабоце   С.І.Паўлоўская