Навучэнцы 5-ых класаў 28 лістапада 2020 года адправіліся ў завочнае падарожжа па краіне «Піянерыя». І, як у кожным падарожжы, вядома ж былі прыпынкі, на якіх вучням даводзілася выконваць розныя заданні.

      Так, напрыклад, на станцыі «Гістарычная» навучэнцы ўспаміналі факты з гісторыі піянерыі: піянерскія сімвалы, рытуалы, традыцыі. На станцыі «Сяброўства» ім трэба было працягнуць прапанаваныя фразы, адказаць на пытанні, скласці прыказкі. Удзельнікам было прапанавана запісаць назвы садавіны, гародніны і ягад, выконваючы заданні на станцыі «Смачны алфавіт». Праявіўшы лоўкасць, кемлівасць, эрудыцыю, вучні актыўна выконвалі заданні, прапанаваныя на станцыях: «Спартыўная», «Казачная віктарына», «5 секунд на разважанне».

       Навучэнцы з карысцю і цікавасцю правялі час у падарожжы па краіне «Піянерыя».

Н.І.Паўлоўская, педагог-арганізатар