Вось і скончылася І чвэрць, але гімназісты не спяшаюцца пакідаць гімназію. Суботні дзень тут быў перапоўнены дзіцячымі галасамі.
Навучэнцы 3-х класаў паўтаралі правілы здаровага ладу жыцця. Для пяцікласнікаў былі арганізаваны мерапрыемствы ў рамках праекта “Чалавек і прырода”. Навучэнцы 5 “М” класа праверылі свае веды ў галіне біялогіі пад час віктарыны “Экалагічны экспрэс”, а навучэнцы 5 “А” класа — “Знатакі прыроды”. Навучэнцам 10-11 класаў прапанавана магчымасць прыняць ўдзел у першым этапе рэпетыцыйнага тэсціравання.
У гэту суботу была працягнута працоўная акцыя па добраўпарадкаванню тэраторыі “Табе, гімназія, наша праца!”. Дзякуючы добраму надвор’ю, зладжана працавалі дзесяцікласнікі разам з навучэнцамі 5-х класаў.
Цікавай была субота ў будучых педагогаў. Для іх педагог-псіхолаг арганізаваў дэбаты “Навыкі сучаснага педагога”.
Як заўсёды гімназістаў чакала спартыўная зала. Яны змаглі пагуляць у піянербол, валейбол, а для навучэнцаў малодшых класаў прайшла спартландыя “Усе на старт!”.
Прайшлі пасежджанні клубаў “X-Stream”, “Інтэлект”. Адбылася першая ў гэтым годзе сустрэча для бацькоў у клубе “Блізкія людзі”. Педагог сацыяльны і педагог- псіхолаг разам з бацькамі разважалі пра сямейныя каштоўнасці.
Таксама працавалі гурткі “Мод-Да”, “Тэатр моды “Шарм”, “Юны паляўнічы і рыбалоў”, “Патрыёты”.
Больш падрабязна аб мерапрыемствах гімназычнай суботы можна будзе таксама прачытаць на нашым сайце, а таксама ў Instagram, на Telegram канале.
Намеснік дырэктара па выхаваўчай рабоце С.І.Паўлоўская
