Бяспечныя канікулы!

Да канікул засталося не так шмат часу. У гімназіі ў рамках акцыі “Бяспечныя канікулы! Праходзяць прафілактычныя мерапрыемствы.

23 снежня інспектар Ребека Ю.В. завітала да навучэнцаў пачатковай школы, а таксама 5-7 класаў з прафілактычнай гутаркай аб недапушчальнасці супрацьпраўных паводзін і адказнасці за здзяйсненне праступленняў і правапарушэнняў.

Старэйшы інспектар Інспекцыі надзора і прафілактыкі Дзяржынскага РОЧС Смусенок А.М. для навучэнцаў 7 класаў правяла інтэрактыўны занятак аб правілах бяспечных паводзін пад час зімовых канікул. Хлопчыкі і дзяўчынкі паглядзелі фільм і разам абмеркавалі яго, адказалі на пытанні віктарыны, спампавалі на мабільныя тэлефоны дадатак “МЧС побач” і праглядзелі яго рубрыкі. Алеся Міхайлаўна напомніла аб правілах паводзін на лёдзе, пад час навагодніх свят. 

Спадзяёмся, што зімовыя канікулы будуць для ўсіх вясёлымі і бяспечнымі.

Намеснік дырэктара па выхаваўчай рабоце          Паўлоўская С.І.