Чарговая субота пакліла сваіх навучэнцаў правесці час з карысцю.
Для будучых першакласнікаў прайшоў “Роба-фестываль”. Цяпер яны яшчэ з большай ахвотай будуць ісці ў гімназію. Эмоцыі, якія былі на тварах хлопчыкаў і дзяўчынак, казалі самі за сябе.
У рамках профарыентацыйнай дзейнасці класныя кіраўнікі 9-х класаў разам з кіраўніком па ваенна-патрыятычнаму выхаванню арганізавалі экскурсію ў рамках рэалізацыі праекта “ProGirls&ProBoys” у в/ч 1463. Васьмікласнікі прынялі ўдзел у профарыентацыйнай субоце.
У рамках патрыятычнага выхавання педагог-арганізатар Паўлоўская Н.І. правяла з навучэнцамі 5-х класаў інтэрактыўную гульню “Край блакітных азёр і рэк”. Навучэнцы 7-х класаў разам з Война Г.М., педагогам сацыяльным, арганізавлі суботнік на Брацкіх могілках. Самыя актыўныя члены піянерскай дружыны прынялі ўдзел у паседжанні Дзіцячага раённага парламенту.
Не засталіся без увагі і бацькі. Для бацькоў 8 “В” класа прайшоў бацькоўскі сход. Для бацькоў 1-х класаў у рамках акцыі “За здаровую будучыню” прайшла спартыўная гадзіна “Наша здароўе ў нашых руках”.
Прайшлі паседжанні клубаў “X-Stream”, “Кліа”.
Больш падрабязна чытайце аб мерапрыемствах на нашым сайце, Instagram, Телеграм-канале
Намеснік дырэктара па выхаваўчай рабоце С.І. Паўлоўская
