Менавіта пад такім дэвізам прайшоў 19 студзеня шосты школьны дзень у нашай гімназіі.
Навучэнцы 1-х і 5-х класаў сталі ўдзельнікамі спартыўных мерапрыемстваў у межах рэалізацыі абласнога сезоннага праекта “Міншчына спартыўная”; навучэнцы 9-х класаў – майстар-класа па стрытболе. Працавалі аб’яднанні па інтарэсах спартыўнай накіраванасці – “Спартыўныя гульні”, “Маўглі”, “Белая ладдзя”, “Таеквандо”, “Фігурнае кіраванне веласіпедам” і інш. На базе гімназіі прайшлі гарадскія спаборніцтвы па лыжных гонках “Дзяржынская лыжня-2019”, прымеркаваныя да Сусветнага дня снегу.
Прайшлі заняткі міжшкольнага педагагічнага класа, факультатыўныя заняткі музычнай накіраванасці, па вучэбных прадметах; заняткі Школы абітурыента, Школы ранняга развіцця; пасяджэнне клуба “Інфа”; прэзентацыя гуртка “Інтэлектуальныя гульні”; заняткі гурткоў “Што? Дзе? Калі?”, “Lingwista”, “Miłośniki języka polskiego”, “ABC”, “Робататэхніка”, “Праграміраванне для дзяцей”, “Моднае хобі” і інш.
Гімназісты, якія наведалі ў суботні дзень бібліятэку, змаглі пазнаёміцца з літаратурай і выданнямі, прадстаўленымі на кніжных выставах “Дзень Серафіма Сароўскага” (15.01), Сусветны дзень “Бітлз” (16.01), “Птушка 2019 года: 10 цікавых фактаў” і інш. Навучэнцам 4 “Б” класа ў бібліятэцы было прапанавана прыняць удзел у пазнавальнай гадзіне “Юны выратавальнік” (да Дня выратавальніка (19.01)).
Навучэнцы 1Б, 1В класаў сталі ўдзельнікамі экалагічнай гасцёўні “Таямніцы прыроды”; выхаванцы гуртка “Спартыўнае арыенціраванне” – раённых спаборніцтваў па лыжным арыенціраванні (на базе РЦТіК); навучэнкі 8-10 класаў – трэцяга прафарыентацыйнага мітапа “ProGirls”; навучэнцы 9 класаў – хакатона (форума распрацоўшчыкаў) сацыяльна-значных дзіцячых праектаў (на базе EPAM, г.Мінск).
Больш падрабязна аб мерапрыемствах гімназічнай суботы можна будзе таксама прачытаць на нашым сайце.
Намеснік дырэктара па выхаваўчай рабоце Новік А.А.
