У рамках адзiнага рэспубліканскага  Дня бяспекі 29 лютага ў гiмназii горада Дзяржынска адбылася квэст-гульня “Ведаць, умець, памятаць! ”.

Пяць каманд вучняў 6-7  класаў прайшлі шэсць пляцовак: «Памятай правілы руху, як табліцу множання», «Бяспека і здароўе», «Першая дапамога пры незвычайных сiтуацыях», «Антытэрор», «Казачная бяспека», «Шыфр», на якіх удзельнiкі разгадвалі крыжаванкі, віктарыны, шыфры, складалi прыказкі, складвалі пазлы, успаміналі казкі і правілы бяспекі ў іх, а таксама адказвалi на шэраг пытанняў, якія тычацца правілаў бяспекі. 

Удзельнікі паспяхова справіліся з усімі заданнямі.

 Навучанне правілам бяспекі ў гульнявой форме лепш запамінаецца дзецям, паколькі ў іх ёсць магчымасць адпрацаваць атрыманыя веды на практыцы. Немалаважна, што дзецi працавалі ў камандзе. Гэта дало ім магчымасць зразумець, як гэта быць адказным за чыёсьці жыццё.

У завяршэнні квэст-гульні быў паказаны відэаролік МНС  «Недзіцячыя гульні». 

За актыўны ўдзел у квэст-гульні ўсе ўдзельнікі  атрымалі салодкія прызы i граматы.

Педагог сацыяльны Р. Г. Рудэнка