8 верасня ў Дзяржынскім ліцэі ў межах Тыдня здароўя і спорту адбыўся валейбольны матч  паміж камандамі нашай гімназіі і ліцэя. З лікам 3:2 перамагла каманда гімназіі пад кіраўніцтвам Хацкевіча І.С. У складзе каманды гулялі сямікласнік Пляхно Данііл, дзевяцікласнікі Макарэвіч Іван, Карсюк Яраслаў, дзесяцікласнікі Шышкавец Павел, Туміловіч Максім, Нікіцін Багдан і адзінаццацікласнік Русальскі Максім. Гульня выклікала шмат станоўчых эмоцый ва ўсіх яе ўдзельнікаў. Нашы гульцы знаходзяцца ў добрай спартыўнай форме. Поспехаў ім і надалей!

І напрыканцы – 10 прычын, чаму добра гуляць у валейбол:

• Павышаецца вынослівасць арганізму
• Умацоўваецца сардэчна-сасудзістая і дыхальная сістэмы
• Трэніруюцца практычна ўсе групы мышцаў, дакладнасць рухаў і гнуткасць
• Паляпшаецца рухомасць суставаў
• Пашыраецца поле зроку
• Узнімаецца настрой, пермагаюцца стрэсы і дэпрэсія
• Развіваюцца смеласць, настойлівасць, дысцыплінаванасць, хуткасць рэакцыі
• Пераадольваюцца комплексы
• Знаходзяцца сябры
• Выхоўваецца пачуццё адказнасці перад калектывам, уменне працаваць у камандзе і давяраць навакольным людзям

Мінько К.А.