У рамках рэалізацыі абласнога сезоннага праекта “Міншчына спартыўная. Дзяржыншчына. Восень” прайшлі: спартландыя “Лоўкія і смелыя” для навучэнцаў 3 класаў; спаборніцтвы па валейболу сярод дзяўчат 8-9 класаў, па баскетболу сярод хлопчыкаў 8 класаў; працавала секцыя “Спартыўныя гульні”, гурток “Рухомыя гульні”.

Прайшлі факультатыўныя заняткі музычнай накіраванасці, па вучэбных прадметах, заняткі міжшкольнага педагагічнага класа.

Гімназісты, якія наведалі ў суботні дзень бібліятэку, змаглі пазнаёміцца з кнігамі С.Ожагава, прадстаўленымі на  кніжнай выставе, а таксама прыняць удзел у экалагічнай гадзіне “Ачысцім планету ад смецця”.

Для першакласнікаў адбылося свята “Мы школьнікамі сталі”. Навучэнцы 3-х класаў сабраліся на брэйн-рынг “Дзівосныя сілы прыроды”, а потым наведавалі восеньскую гульнятэку на свежым паветры. 5-класнікі разам з псіхолагам спрабавалі пазнаць свой унутраны свет. Навучэнцы 7 “М” и 7 “В” класа весела і з карысцю правялі час, размаўляючы пра розныя прафесіі.

У чарговы раз для навучэнцаў працавалі гімназічныя клубы. Клуб “Кліа” паклікаў шасцікласнікаў  ў мінулае і даў магчымасць акунуцца ў дзівосны свет гісторыі. У таго, хто цікавіцца жывёльным і раслінным  светам была магчымасць паспрабаваць свае сілы ў брэйн-рынгу “Экалагічны калейдаскоп” у рамках паседжання клуба “Эка”. А самыя малодшыя члены клуба “X-Stream”  бавілі час, гуляючы ў гульні на англійскай мове.

Таксама працавалі гурткі “Мод-Да”, “Тэатр моды “Шарм”, “Юны паляўнічы і рыбалоў”, “Кола сяброў”, “Баль, баль, баль!”

Больш падрабязна аб мерапрыемствах гімназычнай суботы можна будзе таксама прачытаць на нашым сайце.

Намеснік дырэктара па выхаваўчай рабоце С.І.Паўлоўская