У верасні Беларусьфільм прадставіць гледачам новую кінакарціну. Прэм’ера фільма адбудзецца ўжо 14 верасня. Паказы фільма пройдуць ва ўсіх кінатэатрах Беларусі, яны прымеркаваны да Дня народнага адзінства. 

У чэрвені 2023 года выйшаў дэбютны трэйлер праекта «На другім беразе», прысвечанага жыццю насельніцтва Заходняй Беларусі, далучанай Рыжскім мірным дагаворам да Польшчы ў 1921 годзе. Паглядзець трэйлер фільма можна па спасылцы тут 

Дзеянні кінастужкі разгортваюцца ў 1925 годзе ля мяжы Заходняй Беларусі і БССР. Галоўны герой Павел жыве там разам са сваёй маці. Юнак назірае, як польская ўлада імкнецца асіміляваць беларусаў, выкараніць мову, культуру і веру. Праз гісторыю галоўнага героя гледачу трэба будзе ўбачыць станаўленне асобы ў экстрэмальных умовах жорсткага падаўлення любых спробаў захаваць нацыянальную ідэнтычнасць.

Стваральнікі праекта разлічваюць на шырокі глядацкі водгук пасля прэм’еры фільма, бо «На другім беразе» — гэта дынамічная і сучасная карціна пра самае галоўнае.